1. COVID-19-ҒА ҚАРСЫ САЛЫНАТЫН ВАКЦИНА ҚАУІПТІ МЕ?

Вакцина инфекциялық агенттерді – ауру тудыруы мүмкін вирустарды, бактерияларды немесе басқа да микроорганизмдерді имитациялайды. Осылайша адамның иммундық жүйесі тез және тиімді жауап беруге «үйренеді». COVID-19-ға қарсы вакцинациялау кезінде ауру тудырмайтын, бірақ, сонымен қатар, иммундық жауапты қауіпсіз генерациялайтын, инактивацияланған немесе әлсіздендірілген вирусты пайдалана отырып фрагменттер қолданылады.  

ДДСҰ жаппай қолдануға рұқсат берген вакциналар ауруларға қарсы күресте олардың қауіпсіздігін және тиімділігін дәлелдеу мақсатында міндетті түрде тестілеуден және клиникалық сынақтардан өтеді, сондай-ақ ұлттық реттеуіш стандарттарына сәйкес келетіндігі тексеріледі.   

2. БІРІНШІ КЕЗЕКТЕ ВАКЦИНАНЫ КІМ АЛУЫ ТИІС?

Коронавирусқа қарсы вакцинаны, ең алдымен, медицина қызметкерлері және халықпен жиі араласатын қауіп тобындағы адамдар алуы керек. Бұл денсаулық сақтау және экономика саласындағы жағдайды барынша тез тұрақтандыруға, сондай-ақ жаһандық  пандемиядан қалпына келтіру процесін жеңілдетуге мүмкіндік береді.

Сәуірдің екінші жартысынан елорда тұрғындарын коронавирустық инфекцияға қарсы вакцинациялау басталмақ. Нұр-Сұлтан қаласының Қоғамдық денсаулық сақтау басқармасы медициналық ұйымда вакцинация алу бойынша нұсқаулық ұсынып отыр.

1. Коронавирустық инфекцияға қарсы вакцинаны тіркелген жері бойынша алғашқы медициналық-санитарлық көмек ұйымында алуға болады және ол екі кезеңмен  21 күндік айырмашылықпен жасалады;
2. Жеке басты куәландыратын құжатымен «өз емханасына» дәрігердің шақыруымен келуі жеткілікті;
3. Емханадағы тіркеу орнында вакцинация жүргізілетін кабинеттің нөмірін анықтаңыз. Жалпы, емханаға кірерде вакцигнация жүргізілетін ем-шара бөлмелері белгіленген;
4. Екпе алмас бұрын пациент міндетті медициналық тексеруден өту тиіс. Оған коронавирусқа қарсы вакцина алу бойынша алгоритм түсіндіріледі;

Табиғаттың оянуын, оның жаңаруы мен гүлденуін бейнелейтін жарқын, шұғылалы-шуақты Наурыз мерекесімен шын жүректен құттықтаймын!

Бүгінде Наурыз жаңа мазмұнға ие болып отыр. Қазақстанда тұратын барлық халықтарды ұлтына және дініне қарамастан біріктіретін мерекеге айналды. Адамдар арасындағы достықты нығайтуда, дәстүрлерді жаңартуда атқаратын рөлі орасан зор. Біздің елімізде Наурыз әр отбасында үлкен қуанышпен тойланады.

Құрметті әріптестер және біздің емделушілер, сіздерге мықты денсаулық, бақ-береке, бақыт пен байлық, көктемгі көңіл-күй тілеймін, шынайы тілегімді қабыл алыңыздар!

Жаңару мерекесі күн сайын жаңа жақсы оқиғалар әкелуде. Біздің ұйымда тағы бір жақсы жаңалық бар. Наурыз мейрамын тойлау қарсаңында мейіргерлер Р.Б.Ибраимова және Ж.А.Байдәулетова «Мейіргер ісі»  мамандығы бойынша қолданбалы бакалавр дәрежесі бар жоғары білім туралы диплом алды. Сіздерді шын жүректен құттықтай отырып, барлық мақсаттарыңызға жетуге тілектеспіз!

Наурыз мейрамы қарсаңында «Senim» Денсаулық сақтау жүйесі жұмыскерлерінің салалық кәсіптік одағы бас мейіргер Ибраимова Роза Бахтиярқызын «Үздік» төсбелгісімен марапаттады. Роза Бахтиярқызы 2 жыл бойы кәсіподақ төрайымы болып табылады, өз ісіне өте жауапты адам.

Сізді жоғары марапатыңызбен шын жүректен құттықтаймыз! Сізге табыс, сәттілік, жігер, оптимизм және зор денсаулық тілейміз!

Наурыз – көктемнің, жаңарудың және жаңа жылдың басталу мерекесі!

Наурыз – жылдың басты мерекесі. Бұл мерекенің рөлі өте зор. Бұл – әр түрлі ұлт өкілдері арасындағы қарым-қатынасты нығайту, бұл – біздің Республикамыздағы халықтардың бірігуі.

Ұлыстың ұлы күні Наурыз қарсаңында Игі істер марафоны жарияланды.

Біз жалғыз-жарым тұратын қартаң науқастардың үйлерін жылы лебізімізді білдіріп және мерекелік дастарханға арналған тәтті-дәмділер ала барып араладық.

Біз бәрімізді мерекемен құттықтап, зор денсаулық, бейбітшілік пен жақсылықтар тілейміз! 

2021 жылғы 13 наурыздан бастап 3 сәуірге дейін «Достық» алғашқы медициналық-санитариялық көмек орталығында «Денсаулық» акциясы өткізілуде, бұл акция  көп балалы аналарға, толық емес отбасыларға және мүмкіндігі шектеулі баланы тәрбиелеп отырған отбасыларға кешенді медициналық тексеру және әлеуметтік-психологиялық кеңес беруден тұрады.

Сіздің жергілікті дәрігерге ЖТД және №304 кабинеттегі әлеуметтік қызметкерге хабарласуыңызды сұраймыз.

"Біз салауатты болашақ үшін!" ұлттық бағдарламасы Дүниежүзілік АПВ вакцинациясына қарсы күніне орайластырылған.